جهادبدر Admin
![جهادبدر](https://2img.net/u/2614/35/35/38/avatars/1-64.jpg)
عدد الرسائل : 603 العمر : 49 تاريخ التسجيل : 23/01/2007
![الثورة Empty](https://2img.net/i/empty.gif) | موضوع: الثورة الإثنين سبتمبر 07, 2015 12:25 pm | |
| أصل العزيمه مش عدد ولا الجحود أصل الولد أنا إبنى كان توب للعمار مين يا بنى صابك بالحسد مين فينا نزلت دمعته مين فينا تاهت سكته ماسك طبول ماسك دفوف زى الأفاعى لو يحوم يعطّش شويه لهجته و رتوش نفاق فى كلمته و شويه طاير فى السما يدخل بيوتنا بسحنته هامسك رموتى و افصلك غيرت مودى يلعنك ياللى معاهم يوم ببرنُص و يوم عليهم وشويه ترقص إسمع يا هذا كلمتى الكلمة تمسح دمعتى دا المبتدأ قبل الخبر ياللى بنارك تبتدى خبط على كل الحيطان عطشانه زرعه فى الغيطان كمل كلام قاله شيطان يمكن تغير لهجتى لا انا جاى اقولك مصر أم و لا ابكّى صوتك وسط دم أنا جاى اقولك كلمتك للرفعه أو للفقر هم للجنه أو لعذاب أليم لو كنت تقدر قول يا عم و سيبنا نغزل للمليحه بكلمه حلوه مش بغم يمكن نداوى قلوب جريحه و الغم عمره ما كان أصم يا بن عمى إلعب بعيد أنا مش هاصاحب ولاد لعم أنا جاى أصحح غلطتى ماسك فى إيدى شمعتى هامشى بعين وسط الدموع و التانيه تسقى زرعتى أصلى ولدت من التراب ورضعت منها و شعرى شاب ما تقولى إنت الأصل فين و لاّ اقولك كلمتين ؟؟ أنا كنت عايش وسط الفساد أصبّر همومى بضحكتى أيوا أنا كنت الأسير مستور و راضى بقسمتى لا شوفت دم الناس رخيص ولا شجره بالنار تشتكى إياك تقول جيت للخلاص يا كل دمعه هاتنتهى تعبان !! ريح ضميرك بالسكات لو فى كلامك دمعتى ما انا يوم تعبت مـ الفساد و شكوت الحال يوم الحساب ومهما تبقى العيشه هم على جستى وعايش للتراب مين اللى كان عايز دمار يسلخ جلودنا و ينتشى وعدوك بإيه علشان تخون و تقولى ليه بتخونوا ؟ أمال يا هذا مين علمك تضغط على زناد السلاح تغسل همومنا بالهموم و انا اللى فاكرك جيت للسماح عملنا ثوره عـ الفساد دلوقتى ظلمك شوفته ساد تصاحبنى لو عجبك كلامى و عكس هذا القى خراب أيوا أنا حامى الحراب واقف فى ضهرك يا البلد ألعن خيانتك يا الولد و اللى إتولد وصار كماله للعدد ![Sad](/users/2614/35/35/38/smiles/w6w20050.gif) الشاعر جهاد بدر | |
|