يا طالع الشجره بقلم الشاعر جهاد بدر

و حبك يا آما خلانى
افك الخط مـ الأول

أنام بسنابل مغطيها
وجع العم عمنول

..............

زرعت و زرعتى خابت
و أكل الكدب محصولنا

وعين الشر جت صابت
سطور سطروها بسطورنا

..............

لقيت البُشره  تنده لى
تقول يا طالع الشجره

و قولت اسرح مع اولادى
ننقى الأرض مـ الحشره

..............

زرعت النبته و كملنا
و جت أيامنا تشكيلنا

بعين تحرص و عين بنا
و عين المولى بأحوالنا

..............

أمانه يا أمى تدعيلنا
ننام و النسمه منديه

و نمسح دمعك و تحكيلنا
و تلقي فى حضنى حنيه

..............

و لو حسادى سئلوكى
عن البحاره بالمرسى

قولى جاينلك هايحموكى
و اعيش فاكر و مش هانسى