عيدان المجد للشاعر جهاد بدر

أنا يا شهد باعلنها
واقول للكل حبيتك

ولو حااربونا هانقولها
نعيش حراس على غيطك

على أرضك بوديانك
عيدان المجد بأعيادك

وصوت شعراوى و الحصرى
يفكوا سحر حسادك

قالوا لسه هانفجّر
و حطوا الهم على همك

بعين للغدر جت تغدر
وتشرب دم من دمك

يا مصر هاغنى موالى
وارجّع ضحكه لشفايقك

ولو قالوا انا الخاين
أخون الغدر و ارجعلك

كتاب المولى بيمينى
ومين غير عينك تمنينى

بأرضك ربى يحيينى
برمشك و إنتى تداوينى

أطمن قالب عُشاقك
أعيب كل اللى يوم عابك

يا رمش لعينى حاكينى
أمانه وصونى دواوينى

أنا الرحال بأشعارى
أنا الذاهد أنا الهاوى

هويت و العشق لوعنى
يا كل السحرما أنا غاوى

أنا المسحور أنا الساحر
حاولت بسحرى أتعافى

لقيت السحر دوبنى
بكاسك للى يشربنى

هاقول للدنيا بوديانها
جبال العار بأحوالها

أنا عاشق بعلو الصوت
نعيش بالغنوه و لو هانموت

إوعا تخونها بأفعالك
دى نار العم جيالك

مفكر إنى يوم هاشكى
ونارعايشه فى أوصالك

ما تمسك رحمة المولى
و لو تقدر تحولها

ياللى كنت بتفكر
إنى بكفر هـاتكفّر

هانبنيها بدمع العين
و تضحك كل أوجاعنا

ونزرع مـ القيراط فدادين
وتشفى بإيدها مدامعنا

و تعيشى يا مصر منصوره
تشقى الفجر و يشقشق

و اَعلم إبنى يحميها
و اعلم بنتى تغنيها

و اقول يا مصر عايشينك
يعينا المولى و يعينك