موال بالعامية المصرية للشاعر جهاد بدر

ضيقى عيونى غربلى
اللى بالشبك شابك

هزى العوالق إبعدى
عنى كل من عابك

إبن الإصول محبته
ترجع حتى لو سابك

و إبن الخسيس ملعون
بالشر نفسه لو طالك

سافرى و حاسبى الشبك
دا شبك العويل حابك

إبن الإصول من سفر
لا نابه و لا نابك

غير خوفه عليكى مـ البشر
لو شر البشر صابك

إبكى على اللى محبته
و بشوقه نده جابك

هو الأمين عـ الزمن
لو خاب الظن بـ أحبابك

اصل اللى بين القلوب
حتما ها يظهر على اعتابك