النُّص الحلو للشاعر جهاد بدر

النُّص الحلو حلالى  بلالى

بين أوجاعى الضحكه الصافيه

لما بـيـدمع أقول أه يانى

والقى الدمعه بتنزل عافيه
...............
نُصى الحلو اللى بيحلالى

هو حلالى هو النسمه

وسط جراحى دموع بتلالى

ولما اتعافى تقوم مبتسمه
...............
بس الِشله اللى محاوطانا

نفس الناس وبنفس السِحنه

يوم لجنينه بمول بتهاجر

يوم للمرسىَ و يوم للسُخنه
...............
شاغلين حالهم ليه بالزايل

و كلمة نفسى بتفضل حافيه

مين عـ الدنيا يوم يتحايل

و مين لجراحه هايلقى الشافيه
...............
نُّصى الحلو حلالى  بلالى

بين أوجاعى الضحكه الصافيه

لما بـيـدمع أقول أه يانى

والقى الدمعه بتنزل عافيه