مش هاقول للشاعر جهاد بدر

مش هاقول العمر فات
يا اللى حبك عن دموعى ما نهاك

إمشى و إبعد عن عيونى
وإطفى شمسى لو هاتطلع فى سماك

إنّ فات العمر كله
و إنّ قلبى كان بيتمنى رضاك

مش هاقول الشيب قريب أو بعيد
و إنى كارهه ولآ دايبه فى هواك

مش هاقولك إنى عايشه
و إنى نسمه طايره فى سماك

إنى سامعه صوت حنينك
و إنى ضله لشمس دايره فى فلاك

يا اللى كنت العمر كله
ياللى كنت الشوق وضله

يا اللى كنت لقلبى غنوه
عشت كل العمر أحلم فى صباك