بحر البقر للشاعر جهاد بدر

إفرد جناحك يا شهيد
بالقوه ناخد حقنا

سمعنى صوتك يا جسور
بالقوه ترجع أرضنا

صوت الزئير زلزل قلوب
جايين نحقق حلمنا

الله أكبر يا وطن
شد الحزام

وسط الهزيمه هايتولد
جوانا صوت الإنتصار

صوتك يا مصر
فى كل دار

بحر البقر بين الضلوع
شربت من الكاس المرار

روينا سينا بدمنا
وبكره جايين للعمار

و النار هاتحرق غدرهم
و الغدر نار

الله أكبر يا شهيد
عدى القنال

قول للرجال
عدوا و هاتوا حقنا

حنوا ترابى بضحكتى
يمكن يموت بينا المرار

هاتوا اللى ماتوا وسطنا
هات حقنا دى الحرب تـار

إفرد جناحك يا شهيد
صوت الزئير فى كل دآر

الله أكبر .. الله أكبر
بإسم اللى عاشوا مننا

بإسم اللى جابوا حقنا
بإسم السلام فى أرضنا

حنوا كفوفى برملها
أنا نبضى أصله بقلبها

مصر العزيمه و الإيمان
فى قلبى ساكن عشقها

لو قالوا يوم إنى هاموت
هاعيش واموت فى أرضها

و يوم ما اجيلك يا شهيد
أكيد بروحى أرجع لها

واشوف ولادى عـ الحدود
حاميين تاريخى و عرضها

الله أكبر .. الله أكبر
الله أكبر يا شهيد

بقلم .. جهاد بدر