كلام بكلام .. بقلم الشاعر جهاد بدر

قالوا الراحه فى بعادك
لقيت البعد واجعنى

و قالوا الهجر سجانك
لقيت الهجر ساجنى

وكان الدمع سلطانك
و بعض الدمع عاجبنى

و ناحت دمعه لأيامك
و قولت الحُزن فارقنى

يا ريت يا حببتى تتهنى
يا ريت العُمر سامعنى

و ازيل همك و تتغنى
و اقول للقلب سامحنى

كلام بكلام هانتسلى
و تلقى الفرح فاكرنى

بطلة عينى و اتملّى
و وصف حبيى واحشنى

و لو قالوا أبعدك عنى
هاقول الرمش عاجبنى

يا رمش عيونى تتهنى
و أنام و الفكر شاغلنى

و أقول يا نفسى إستنى
الشوق لحبيبى مالكنى

يعيش و تعيشى فى قُربى
و اعيش و الرمش ساجنى