خيوط العشق بقلم الشاعر جهاد بدر

هاسيب الحبر يكتب لك عن أمانينا
و ادوس عـ الجرح لو نازع ليالينا

و اقطّع كل أوراقى لو تبكينا
و ألون بوديانك و ألوانا هاتحيينا

و أفتح صفحه مـ الأول بديوانك
و أرسم من سطور عشقك أسامينا

و اسيب المركبه ترسى على المرسى
و اسيب البحر يتهنى ويتغنى بغناوينا

و أكون القبله لعيونك و اطمنها
و ننسى الليل و نلقى الصبح يصحينا

أنا النعسان على خدودك مع النسمه
تهز الموجه ضحكتنا و لو تقعد تحاكينا

أنا مالك خيوط العشق بأسحارك
و مين من سحر أسحارك يداوينا

أنا بأفطر و أتغدى فى أفكارك
واسقى كاسات الحب من أمانينا

و لو تاهت سكتى عن دارك
أرجع للنسيم و ألقى الشط ينادينا

و إزاى أتوه و إنتى بأحلامى
ومين يا زمن من وجع يداوينا

هاسيب الحبر يكتب لك عن أمانينا
و ادوس عـ الجرح لو نازع ليالينا