الدنيا فى قُربك

ملكتى بحور و القوافى
يا نور البدر مين زيك

أسير كالطير و السواقى
و أنا ترحالى فى ضيك

أحب نهار و الخوالى
أعيش و الفرحه من ثغرك

أنا و الشوق بالليالى
و الميا حبيبتى فى يدك

أنا الولهان بأحوالى
أنا المُلتاع بنار عشقك

يا راحة قلب يا عمرى
و كل اللوعة من هجرك

كتير سألونى حسادى
و قولت الدنيا فى قُربك

ببحر عيون مـ القوافى
كتبت الشعر من حرفك

ينام بسطور مـ العوافى
و يضحك صبح فى ثغرك

أدوب يا شهد بأوصالك
و فى بعادى يزيد عشقك

و لو تتعبنى أوجاعى
ألاقى الراحه فى حضنك

كتير وجعتنى أوجاعك
و رجفة نبضى فى قلبك

و كتير يا بسمه لأيامى
شاركت الدمعه فى ألمك

أنا المجنون يا ليلى
و حبى جميل كما وصفك

أعيش حيران بأيامى
أسافر و مركبى بيمك

و اكون رسام و ألوانى
تنام والفرشه على خدك

و أرجع بمركبى تانى
و ألقى فرحتى فى قربك