لسه فاكر

موضوع: لسه فاكر الثلاثاء أغسطس 18, 2015 10:59 pm

لسه فاكر لسه عايش
جوا قلبى خليك فاكرنى

فاكره لما رقصنا يومها
لما غنى دياب و قال لك

دا انت فى عنيا كل اللى ليا
فرحة شبابى و الدنيا ديا

يومها رقصت فرحه لينا
يومها شوفنا الدنيا حلوه

و الحبايب جُم يجاملوا
جُم يشاركوا فرحة عيونا

ياللى عايشه جوا قلبى
إنتى نبضى إنتى فرحى

إنتى دمعى لما بابكى
و النسيم لما يحاوطنى

ياليالى لما تضحك
ضحكه صافيه جوا منى

لما تمشى زي ضلى
كونى رمش لعينى غطى

طب وليه هاتكونى ما إنتى
كل حاجه حلوه عندى

كل غنوه فى زمانى
جِه صداها يوم فى ودنى

يا أحلا ضحكه فى زمانى
ما إنتى أول فرح عمرى

ولما عمرو يقول هاغنى
و إفتكر ضحكة عيونا

جهاد بدر