شراع مسحور

أنا راكب شراع مسحور

عايش و الدموع تضحك

غرقان يا زمن فى بحور

و شايل من أنين وزرك
..........
ماشى و الفؤاد مخنوق

يا زين العيون إرجع

كفنت الحنين بالشوق

و صار الألم يوجع
..........
ألملم حروف الصمت

و كأن الكلام أصنام

و ساعات الصراخ بنواح

بيحول حياتى آلاَم
..........
يا قلبى تِبات مهموم

و يا ريت الغيوم تتحاش

تتحاكى عن الأيام

و كأن الكلام ببلاش
..........
لا كل القلوب تتباع

و لا تغزل أمان من خوف

تتعود على الأوجاع

و تغزل سطور بحروف
..........
يا ضحكة حبيب لحبيب

دموع العيون أسباب

لو قالوا لُقانا نصيب

يمكن بالفراق أحباب
..........
يا اللى للزمن سجان

أتمنى ضحكتك ترجع

و تكون من وجع إنسان

و لا إنك تعيش توجع