لسه عايش

لسه عايش لسه باحلم

مش هايموت جوايا حبك

لسه فاكر أيوا مُغرم

بكل نبضه جوا قلبك

بكل همسه من شفايف

رمتنى يومها جوا حضنك

يا زمانى لو هاسافر

يومها اسافر جوا منك

مهما أبعد عن عيونك

برضو عايش لجل فرحك

و لما هارجع يا زمانى

أكيد يزيد جوايا عشقك

يا كل دقه بين ضلوعى

سيبت أجمل دقه عندك

كل ضحكه بين سنينى

برضو كانت يومها عندك

إنتى حبى و الأمانى

و الحياه فى القرب منك

يا اللى كنتى نبض قلبى

ليه عاندتى نبض قلبك

إنتى أول ضحكه كانت

كل شوق عايش بقربك

كل نظره بالتمنى

كل لهفه جت فى بُعدِك

دارى عنى شوق عيونك

خلى نارى تزيد فى هجرك

يا اللى حُبك جوا منى

سيبى همسى يعيش بقلبك