الأماكن

بين هموم الكون ضحكنا
ضحكه صافيه من قلوبنا

و إتخدعنا فى ناس و توهنا
بين وشوشهم بس عيشنا

إستكتروا الضحكه علينا
لما كانوا أدينا كنا

كانت الأفراح تجالس
الأماكن و إتصاحبنا

كانت الأنفاس بتحرق
كل حاسد لو يشوفنا

كنا كانوا لما كنا
كانت الفرحه تحاوطنا

ضله حلوه لأحلى شجره
تشرب الميا فى كفوفنا

دلوقتى كنا و الأماكن
علينا تبكى لو تشوفنا

لسه عايش يا دموعى
و الألم يوم هايفارقنا

لسه قلمى بين سطورى
يا سطور جواها عيشنا

و بكره ندعى للأماكن
فى الممات لو يوم تزورنا