محتاج أسامح

موضوع: محتاج أسامح الإثنين أغسطس 10, 2015 12:44 pm

إزاى المعالم تغيرك و تمشى يا ادم بالزمان

و ليه قلوبنا إتغيرت و خنقنا طيب الزعفران

ليه الليالى ضللت على نبض منزوع مـ الحنان

ليه الأماكن غيرت كل الحكاوى بكان وكان

كان الرصيف جنب الطريق كنا بشر و بقينا جان

منه اللى مسلم يتقى ومنه اللى شره جه يبان

كانت مودتنا الصديق دلوقتى داين أو مُدان

محتاج أسامح يا بشر محتاج أنادى عـ الأمان

محتاج لراحه بالسجود لرحمه بالبيت و المكان

لشمعه قايده عـ الطريق تبنى المأذن للأذان

تغزل من الشمس الخيوط وسط التراب الزعفران

محتاج رصيف جنب الطريق يمكن يكون آن الأوان