راجع للتراب

موضوع: راجع للتراب الإثنين أغسطس 10, 2015 12:27 pm

أنا راجع للتراب

سامع صوت بينادينى

أنا طالع للسما

ماليه الضحكه عيونى

دايما هارجع أشوفك

يا ضى ونور عيونى

يا بلدى إنتى حبيبتى

اللى ليها حنينى

أمى أخويا أختى

اللى عاشوا سنينى

و الصاحب لما صاحب

فرحى و كمان أنينى

أنا قولت لإبنى إبنى

قبل ما يكفنونى

إنتى إبنى و بنتى

و ابويا لو يوم يجينى

يا فرحة مصر لما

تيجى و تفرحينى

عايشين لك أحلى ضحكه

يا ضحكه ما تسلسلينى

بالشوق اكتر و اكتر

يا مصر الشوق كاوينى

و يا ريتنى كنت أقدر

أغزل من خيط حنينى

فستان لاْرض طاهره

قبل ما يدفنونى