البعاد

موضوع: البعاد الإثنين أغسطس 10, 2015 12:21 pm

برغم البعاد اللى ما بينا

قلبى عايش غنوتك

يا ساكنه قصور الزعفران

بكره أموِّت دمعتك

بكره يموت كل الملام

واموت معاه فى ضحكتك

حتى لو قالوا حرام

ترجع لنيلى مَيّتـك

مدبوح ببعدك مـ الزمان

قوليها يوم انا فرحِتك

نزيّن سوا كل الحيطان

و احلى زينه بطـلّتك

قوليها يمكن للحنان

نبضه حلوه هاتسعدك

ياللى كان وسط الريحان

بيرن خلخال مع خطوتك

هايدق قلبك للأمان

وارجع حبيبتى لضلتك

يا كل كلمه عشقتها

ياللى حياتى بجنتك

فين اللى قالوا إنه حرام

أعيش بنبض محبتك

لو كفنونى بالرموش

وبكّوا عليا دمعتك

أهون عليا مـ البعاد

ياللى حياتى عِشقتك

بقلم .. جهاد بدر