ضيقت بنطلونك

موضوع: ضيقت بنطلونك الخميس يونيو 11, 2015 5:47 am

الـنت سته سته
والـتت تـته تـته

حاربونا فى كل حته
بخلاعه ما فيش كلام

الموضه يا أمانى
الميكب يا هيام

ضيقت بنطلونك
و البوكسر شوفته بان

ماشى لابس هدومك
ولا صابك زكام

يا عايش وسط أهلك
زى سلوى و حنان

يا لولو إلحق تاريخك
خليك راجل همام

أفكارهم جايه تهدم
عقولنا ما فيش كلام

بدم سمعته يصرخ
ومين يعرف ينام

إبليس ماسك طبنجه
بيفجر فى الزمام

و إنت شايل دماغك
و سامع و السلام

وحلمك تبقى راجل
كبسوله للمنام

أبوك حارب عدوك
إياك تنسى حرام

ويضيع دمه وتاريخه
و إنت وسط الظلام

احفر إبنى و شيد
يمكن تنهى الألام

علم إبنك و بنتك
إزاى نحمى السلام

...............

ضيقت بنطلونك .. بقلم .. الشاعر جهاد بدر