بأدعى لك

موضوع: بأدعى لك الثلاثاء ديسمبر 16, 2014 7:15 pm

بنيت الضعف وصاحبنى بدنيا و كنتى أيامى
سألت كلام بيعجبنى و عجبى عـ اللى عاجبانى

عيونها جميله بتسحرنى ومين مـ السحر داوانى
ومين عنها هايبعدنى و جوا عيونها عنوانى

أنا الأوجاع بتقتلنى وراحة البال مفارقانى
ومين يا دنيا تظلمنى تبات بالهجر فاكرانى

سألت الناى ومزمارى وضحكة عين بأحزانى
سألت البيت وجدرانى وحرف بسطر أشعارى

كتبت ودمعتى تصرخ ومين هايداوى أوجاعى
وسهد الليل و أيامى ومرسى عيونها بشطئانى

وجه صاحبى بيسألنى عن الأوجاع بأحزانى
لقيت الحمد بقا حالى وهو الخيل وخيالى

يا ريت تنساكى أوصالى و آعيش أيامى من تانى
وإزاى تطاوعنى أوصالى وتقدر روحى تنسانى

هاحارب قلب عذبنى يا اللى بقيتى سجانى
و أدعي و لو معاندنى أو بالروح مخاصمانى

بقلم .. الشاعر جهاد بدر