مين يا أمى

موضوع: مين يا أمى الخميس نوفمبر 27, 2014 4:34 pm

مين يا أمى لسه جوا منه قسوه
.......................وإنتى صالبه الحيل يا أمى ولسه عازمه

جاى أكتب فى عيونكم كل كلمه
....................... نفسى أمسح بين رموشكم كل دمعه

الخيانه لسه صاحيه و َّلا نايمه
.......................و الوقيعه جت بغيمه و َّلا ضله

جاى أحبك يا بلادى فـ إيدى بسمه
....................... جاى أزرع وسط ضلك شوق لزرعه

جاى أضلل على الحبايب وسط عتمه
.......................جاى ساكن جوا منى شوق لرحمه

يا اللى فاكر أرضى كانت يوم تكيه
.......................يوم هاتبكى لما نبقى وسط لمه

إنتى صوتى لما أبنى إنتى غنوه
.......................والنشيد غنيته لإبنى يوم بنشوه

الأمان قولتيه لعيسى يوم برحله
.......................وإنتى جمره جوا قلبى لسه صاحيه

نبض قلبى يبنى مجدك مجد امه
.......................تبنى فيا يا حبيبتى صوت لنخوه

قولى لاحمد إن أرضى أرض دعوه
.......................أرض موسى لسه واقفه لسه صابره

لما يوسف عاش معانا ماقلش كافره
.......................لما نيلنا يجرى فينا يسقى زرعه

لما قلبى يفتديها و عينها حايره
.......................الضفايرعلى كتفى وحدى تيجى فارده

هى أمى زوجتى أختى هى كلمه
.......................هى مصر اللى عايشها لابسه طرحه

طرحه بيضا للتسامح فاتحه صفحه
.......................والسلام هو سبيلى يا مصر حره

يا حبيبتى شوق لاخويا شوق لأقصى
.......................شوق لإبنى شوق لدينى شوق لكعبه

تعالوا نبنى فـ حضن أمى شوق لقبله
.......................نجمع قلوب متفرقين فى نبض أمه

يا شهاده إنتى غايتى أكون فى جنه
.......................ولاَ إنى اشوفها يوم حزينه بعينها دمعه

مصر قولنا قومى قولى لسه صالبه
.......................ماتكسرتش بالميدان على رجل واقفه

مصر نادى كل نبضه لسه سامعه
.......................فى خشوعك وفى صلاتك وإنتى ساجده

تلقى كل الناس أئمه بأحلى نظره
.......................من عيونك وبعيونك وإنتى قادره

بقلم .. الشاعر جهاد بدر

https://www.facebook.com/ge.badr