الخوف

موضوع: الخوف السبت سبتمبر 06, 2014 11:03 am

هربـت مـن أرض الألـم لقـيت الألم بقـا سجـننا
سافرت دموعى والأمل سفر الجنون فى بحرنا

الخوف و عشش بالضلوع و الناس بتدعى ربنا
و كله يـصرخ يـستغـيث و مين بيسمـع ضعـفنا

قـالتلى أمى لـو تـمـوت ميـن هـايـزرع أرضـنـا
ميـن هـايمسك إيـد أبـوك لما يعـشش عجـزنا

و قالت أختى احسن تضيع و مين يحرر قدسنا
ركبـت مـركب والـفلوس والـذاد بيـخـلص منـنـا

دموع لشط تقولى عود وإمتى الحياه ترجع لنا
فى الـميـا مـالت مركبى و كان الصراخ بيـهزنـا

الـناس بتـهرب للـحـياه و الـموت لقـيتـه عندنـا
بصيت لصاحـبى لقـيته مات وياه حلمنا حلمنا

إننـا نرجـع فـى يـوم نمسح دمـوع بين أهلـنا
دلوقـتى اكـيد كل الدموع كل المواجـع عنـدنا

الشاعرجهادبدر