محمد

موضوع: محمد الثلاثاء مايو 13, 2014 11:50 pm

تايه يا دنيا فى الحوارى والشوارع
أفرح وأبكى وتبكى فيك كل الليالى

لما أفرح أخاف لتغدر بيا سنينك
ولما أبكى ماتوسيش عينك عيونى

ليه يا دنيا الغدر فيك حصانه جامح
كل ما أهجر ترجع مواجعك بين ضلوعى

يا ليالى مين هايوسينى فى عز حزنى
تعبّت منك تعبت أهاتى تعبت دموعى

بكى يا دنيا حد تانى خلاص عرفتك
لما تبكى هافضل أفرح وأمسح دموعى

يمكن أبعد أو حتى أسافر فى دروبك
يومها هاضحك بالعند فيك واشكى حنينى

يمكن أسافر للمدينه أزور حبيبك
وأرجع يا مكه مشتاق إليك والشوق لهيبى

خلاص يا دنيا يا ريت تفارقى مبقتش عايزك
بعد الامان ما شوفت صورته بين ضلوعى

هأفضل أصلى طول زمانى على محمد
وأشوف بعينى ضحكة عيونه بتواسينى