إبعت أخوك لأمه فى الكفن

إبعت أخوك لأمه فى الكفن .. موت ضميرك .. كفنه وسط الانين
لو كل يوم إبنى هايتقتل .. هافضل لبلدى شايل همومها والحنين

إشتم وبكى دم إبنى بالهموم .. إظلم فؤادك بين ضلوعك والسنين
إقتل الزرعه وامشى فى ضلمه .. دا السلام ساكن قلوب الطيبين

السلام للمحبه ماشى يدعى .. وليه فى عقلك دعوتك ساكنه الأنين
الدين ماقلش إقتل مسيحى .. و إزاى يامسلم والنبى وصى الصالحين

مين غدر بيك يا عمر وإنت فى صلاتك.. ومين غدر بالجنود الصائمين
يا سينا قولى لغزة ماتزعليش .. هاييجى إبنى جواه لمقدسنا الحنين

ياللى فى إيدك دم اخويا بيشكى .. يوم القيامه بأى ذنب وأى دين
قول لليتيم إمحى فى القلب حُزنك .. قول لامه للسلام أنا مخلص أمين

إزاى اصدق اللى فى إيده دم إبنى .. إزاى انام والعين بتنعى بالأنين
حارب قلوبنا وإمشى فى دموعى .. بكره هاييجى عدل رب العالمين

جهاد بدر