دموع طالبه المدد

تعالوا نزرع فى المدارس جوا إبنى حبه للبلد
وإزاى هاتزرع فى المدارس والدموع طالبه المدد

وإزاى أمد يا مصر إيدى وأنا بكايا على الولد
هابدأ بنفسى أسجد وأصلى وفى المصانع تتولد

جوا منى فرحتى وأمسح دموعى يا بيوتنا والهدد
تبكى دموعنا أو تنازع شايف دموعنا بتترصد

شايف حلايب جنب سينا حُبك يا طيبه ما شرد
شايف ماغولنا عند طابا والدم بأدين الولد

سامع أنين أمى وأبويا تحت التراب وسط الهدد
سامع كلامك يا نبينا زحفوا المغول ضعف الولد

يا سيل ضعيف وسط الامم ماغول تتار جايين جُدُد
يا فُرقه زفِت دمعنا بالدفوف والحزن شايفه ليه فرد

بكره السنابل فى المدارس يجنيها باديه الولد
ولو عرفنا مين معانا نعرف أكيد مين فى الحزن إتولد

يمكن نداوى دمع سوريا وكل دمع بيترصد
يمكن يداوى سودانّا فرقه وحب ليبيا اللى شرد

يا جزاير لسه بحبك قولو ليمنّا متقسموش فى البلد
وإنتى كمان يا كويت قولى لدوحتهم ! مجرد عدد

يا منامه قولى لجده مقدسنا راجع والتراب اللى شرد
قولى لبغداد الحبيبه تحمى تراب شط العرب

قولوا لدبى إنى عاشق للخليج وأن إبنى هايتولد
بين ضلوعه شوقه لعروبته يحمى ترابه والبلد

تعالوا نزرع فى المدارس جوا إبنى حبه للبلد
يسجد يصلى والمصانع وأبويا وأمى والبلد

دموع طالبه المدد
بقلم
جهاد بدر