مصر قولى الله أكبر

لما تكون جوايا ضلمه..لما أكون فى عتمه ماشى
أو يكون فى الخوف خُطايا..أو أكون للدم هاوى

لما أفرح بدمع غيرى..أويموت فى يوم ضميرى
أو يموت الخير فى قلبى..و أقدر أنام والظلم باكى

لما ألقى الشماته عندى..تقتل دموعك بين هشيمى
لما الديابه تمشى تعوى..فى شوارع وسط أرضى

لما مصر ألقاها دمعه..أو يزيد فى الضلمه همى
أو تتوه ضحكة عيونى..ساعتها بس تكون نهايتى

الربيع يا مصر يبكى..عـ اللى خانك واللى خانى
غيبى يا شمسى عنى..ذيدى مواجعى وهمى

فرحى فينا عدوك..وإكتبى السطر بمواجعى
إروى أرضك يوم بدمى..لو يخون الإبن عرضى

لو تزيد الفرقه بينا..أو أكفر صوت لأختى
أو يكون الدين وسيله..تبقى خيبتى يا رجولتى

الاختلاف مش إنى أقتل..جوا عقلى وسط أهلى
دين للأمانه مكنش خاين..غايتى أوصلها بإيمانى

يمكن أجمع بالتراحم..قلب إبنك قلب إبنى
يمكن أدخل بالموده..جنه حلوه عند ربى

يمكن أشرب من كفوفك..يا محمد و إنت جنبى
يا محمد كُن شفيعى..إشهد برائتى مـ اللى خانى

منْ اللى كفر واللى دمر..واللى ماشى بينا يفتى
مصر قولى الله أكبر..يا زرعه حلوه بين ضلوعى

إمسحى دمعك يا أمى..نامى فى حضنى وعيونى
نادى قولى الله أكبر..يا مصر ذودتى همومى

يا رب مصر أمانه عندك..إحفظها لأمانها ودينى
إجعلها رايه وسط أرضك..وللسلام يسجد جبينى

بقلم الشاعر جهاد بدر