الدوحة

موضوع: الدوحة السبت يناير 25, 2014 11:53 am

أخويا قاعد فى الخليج يحلاله دمعى..ماشى فى طريق بعين قويه يؤمر بقتلى

ساعد اوباما أو حتى نام وإفرح بدمعى..فاكر يا أخويا لما عينك رسمتلى فرحى

كنت تبكى وتمد رمشك يمسحلى دمعى..والنهارده انت وعدوى ماشيين فى همى

ليه الشماته يابن أمى يا حزن قلبى..يا قسوه مُره تزيد مواجع فى قلب جرحى

مادد إيديا تاخد بإيدى تيجى فى حضنى..لقيت عداوه فى عيونك تـِفرِح عدوى

دور فى نفسك على الأمانى يمكن تلاقى..اختار لنفسك أرض تانيه وإنسى حزنى

إنسى دموع وسط الهموم وسيبنى أبكى..ومهما يجرى هايفضل إبنك أكيد فى حضنى

إشتم وخون وساعد عدوك يحتل عقلك..وهاتيجى بنتك تلاقى ليها مكان فى قلبى

عمر الخيانه ما جت حروفها بأمر ربى..إمشى فى طريقك يمكن تلاقى أمان بيحبى

أو حتى إحترامك يزيد فى عينك ولو ثوانى..أخويا يا دوحة أمانه عندك دا حته منى

يمكن يكون فى يوم بعيد سندى وضهرى..هافضل يا أخويا يحن ليك دمعى ودمى

تعالا إبنى جوا منى ميدان وصلى..تعالا حرر فى الخريف الخوف فى قلبى

يمكن تلاقى الغايه عندك شوق لحضنى..لازم أعرف ليه عدوك فرحان فى بُعدى

ليه بيبنى مستوطنات وجدار ويجرى..ليه بيبكى لليكود ويسجن إبنى

إبنى أسير يابن أمى ونسيت مواجعى..دا الدمار فى كل شارع للضعف يشكى

تعالا نحرر دموع مساجد هناك بتبكى..أموى وأقصى دى القضيه سلام بينعى

إرجع لبلدك بلاش تدمر ولفرقه تدعى..حبل ربى هو الامان وهو غايتى

ارجع لحضنى دا أنت لسه حته منى..يمكن نداوى يمكن تحرر خوف فى إبنى

بقلم جهاد بدر