محتاج أحبك

موضوع: محتاج أحبك الثلاثاء يناير 21, 2014 3:05 pm

محتاج أحبك وكمان لحضنك يكون حنينى
وأبوس جبينك وأمسك ترابك بكف إيدى

أدور فى نفسى على الطريق يمكن يبان
وأعلم ولادى إمتى حلال وإمتى حرام

يا جهل عشش والطريق شايفينوا نور
يا ظلم نايم بين ضلوع وسط السطور

يا رب رد القلوب الطيبين للسلام
والسماحة والمحبة والتأخى والنظام

ياللى زرعت الشر قول أخرتها ايه
ياللى سرقت الفرح قول ماشيين لفين

دى الثورة كانت على الفساد مش للفساد
غيرنا ايه وبقينا ليه أسؤ ما كان

أسجُد لربى يا أرض طاهرة أجهر بصوتى
يفك كربك واشوف ولادى ماسكين بإيدى

يا مصر زرعه وضحكة صافية من قلوبنا
يا غنوة حلوة سامع انينك بين ضلوعى