العدالة

موضوع: العدالة الخميس نوفمبر 28, 2013 5:25 pm

العدالة مش كلام الثورة لو ثورة سلوك كان النظام بينا انتشر
الثورة لو ثورة سلوك كان السلام في كل وقت وفى السحر

قالوا دور على العدالة فـ قلب واحد زينا وسط البشر
بعد ثورة شافت عيوني من العادات أسؤ وأبشع ما ظهر

اللي ماشى في إيده فرشه يسب يشتم على الحجر
واللي يحرق في المباني والمواني والشوارع والشجر

ناس بتمشى عكس سيرها وغيرنا ليه وصلوا القمر ؟؟
قالوا دور على العدالة قولت لازم في القلوب بين البشر

مش بس واحد مننا لازم نكون مع بعضنا نقدر نغير القدر
مين هايهتف في الميدان إلا لو مات الضمير بين الغجر

مين هايشتم أو يخون أو يدور على السلاح المنتظر
أنا مصري زيك من زمان إقرا التاريخ حاول ويمكن تفتكر

سبحانه قادر يلمنا تعالا نعبد ربنا والنون بتسبق البصر
تعالا ننهى مـ الدموع صراخ كتير في يناير أو صفر

الأم تنعى إبنها والأب شاب في حزنها واللي خاصم ليه فجر ؟؟
يا حزن عشش فوق جبين الأمهات ومين فينا ينسى اللي غدر

تعالوا نرجع للبداية يمكن نلاقى العدل فى قلوب كل البشر
الثورة لو كانت عـ الفساد إسأل ؟ إسأل ضميرك ليه فجر

خلى السلام يحكم قلوب فى كل وقت وفى السحر
خليه يخبط على البيبيان يمكن يصادف قلب واحد منتظر

جهاد بدر