تاريخ بيشهد

موضوع: تاريخ بيشهد الإثنين سبتمبر 16, 2013 1:14 pm

منى اللى ماشى يكفر يدمر ويقتل ولادى
وفيه اللى ساجد عابد وحامد عيونه فى عيونى

منى اللى مبصر وشايف بقلبه
وفينا اللى ماشى مفتح واعمى

وفيه اللى واقف هناك فى ضلمه
يحرض يهيج فى النار بينفخ

ومنى اللى مسلم ماشى فى حضنه اخوه المسيحى
ما ياما فى جفنى عيسى واحمد شربوا فى كفوفى

ما تيجى يا اِبنى نبنى لاِبنك غاية فى تاريخى
تاريخ بيشهد ورب شايف انينى ودموعى

كفيف ومبصر ماشي فى دروبها
والنار بتحرق توب الضعيف

ايوا بعدنا وتاهت خطانا
ويمكن يا مصرى تنهى الخريف

ونوحد قلوبنا ونلملم جراحنا
ونمسح بايدنا دموع الضعيف

واخونا اللى واقف اكيد هايبكى
لما قلوبنا تنضف صحيح

خليك عدوى واقف فى بعدى
وبكره هاينضف تراب الرصيف

بقلم جهاد بدر